அழகு.....(2)

அடுத்த அழகு குழந்தை. அதுவும் ஒருவயதுக்கு உட்பட்ட குழந்தையானால் கேட்கவே வேண்டாம். மூன்று அல்லது நான்கு மாதக் குழந்தையை குளிப்பாட்டி, ஜான்சன் பௌடர் போட்டு,கண்ணுக்கு மையிட்டு,ஒரு திருஷ்டிப்பொட்டும் வைத்து கீழே படுக்கவைத்த பின்னர் அதைப் பாருங்கள்.அது கையையும் காலையும் ஆட்டிக்கொண்டு,முகத்தில் எல்லா உணர்ச்சிகளையும் காட்டிக்கொண்டு,அவ்வப்போது பொக்கைவாயால் சிரித்துகொண்டு ஊ... ஆ.. ம்ம்... என்று பேசும்முயற்சியில் ஈடுபடும்போது அதைப் பார்க்கவேண்டுமே. அதுதானய்யா அழகு...! அதுதானய்யா....பூலோக சொர்க்கம். அலுப்புத்தட்டாத அழகு. அதுதானய்யா வாழ்க்கை.. எனக்கு ஒரு எண்ணம் நாம் எல்லோரும் வாழ்க்கையைத் தொலைத்துவிட்டு காசைதேடிச் செல்லுகிறோமோ என்று. நாம் என்றுதான் காசைத்தேடுவதை கொஞ்சம் குறைத்துக்கொண்டு வாழ்க்கையைத் தேடப்போகிறோமோ? அப்படி நாம் தேடும்போது வாழ்க்கை இருக்கும் என்பது என்ன நிச்சியம்?


அடுத்த அழகு முழுநிலா.

முழுநிலா முழு அழகு. கண்ணதாசன் சொல்லியது போல்"சித்திரைமாதம் முத்துரதங்கள் ஊர்வலம் போகும்" அந்த மாதத்தில் வரும் சித்ராபௌர்ணமியன்று கடற்கரைக்குச் சென்று இரவு பத்து மணிக்குமேல் உதிக்கும் முழுநிலவை பார்த்துரசிக்கும்போது அந்த அழகை சொல்லில் சொல்லிமாளாது.எங்கள் குடும்பத்தில் ஒரு வழக்கம். அனைத்து உறவினர்களும்அன்று மெரினா கடற்கரையில் கூடுவோம்.ஒவ்வொருவரும் தங்கள் வீட்டிலிருந்து
செய்து கொண்டுவந்த சித்ராஅன்னங்களைப் பகிர்ந்துஉண்டு மகிழ்ந்து நிலாவை ரசிப்போம்.
பெரியவர்கள் முதல் குழந்தைகள் வரை அனைவரும் பங்கு கொள்ளும் நிகழ்ச்சி. வீடு திரும்ப இரவு ஒரு மணி ஆகிவிடும்.இதனால் உறவினர்களை பார்த்து கலந்து உறவாடும்,உணவைப் பகிர்ந்து கொள்ளும்,மற்றும் இயற்கையை ரசிக்கும் நல்ல எண்ணங்கள் வளரும்.
களங்கமில்லாத முழுச் சந்திரன் அழகுதான். இருந்தாலும் களங்கமுடைய மூன்றாம்பிறைச் சந்திரனை தன் தலையில் அணிந்துகொண்ட சிவபெருமானாகிய சந்திரசேகரனும் அழகுதனே!


அடுத்த 50-ஆவது பதிவு "வியர்ட்" விரைவில் எதிர்பாருங்கள்